职业玩家，游手好闲的一条寄生虫，一生贪玩、贪食、贪睡、贪靓！人称可怕教主烂命伦。自小热爱日本文化，自学日文，却惨被送到多伦多读大学，在多伦多的McMaster University毕业后，如中六合彩般教获日本文部省国费留学金，到东京国立御茶之水女子大学进修日本文学，当了柴门文师妹，破釜沉舟，终于完成日本留学心愿。表面上研究日本文学及文化，私底下努力钻研日本时装、娱乐及美食，玩足一年半！学成回港后当过日文翻译及电影编剧工作，曾任有线电视节目《活得很滋味》资料撰稿，然后转战无线高清台及生活台的《流行东京》资料撰稿、主持、及编辑，即阿四！然后再转战Now TV 101台电视人气旅游节目《风行全世界》监制、资料撰稿及主持，跳出东京，将玩乐战斗力提升，务求i以狂风扫落叶式玩转地球！再转到无线翡翠台拍《流行首尔》，成为众矢之的！
著作：《风行东京1、2》、《游魂东京》、《风行风语1-4》并为苹果日报、东周刊、New Monday、U Magazine 选写专栏。多伦多长大，入大学后唔知好彩定唔好彩，认识左杜如风，好彩既系，打落四年有个傻既日日一齐吃喝玩乐，唔好彩既系四年内基本上无乜点番过学，每日围绕住玩同去下旅行咁，庆幸既系最后都成功大学毕业，主修Computer Science。毕业之后，入职某大地产商做电脑程式员， 由于每日既工极度沉闷，我投放大量时间落兰桂坊，逢四五六都喜爱夜蒲，因此得到兰桂坊之子（LKF Gigi)的美誉，无论系年青港女、竹升、日本妹、韩国妹，鬼妹model我都见过晒，不过大部份都无我份，七年后某天亦决定辞职和减少落中环，并决定以后唔再做沉闷既工作。
之后入左间新成立既Event Management公司，由于公司规模细小，基本上之后的十八个月有如入左少林寺，乜都要学，新公司奥妙之处，就系你够胆做，佢够胆放晒手咩都俾你做，而我就喺嗰年半内累积到少少PR & Marketing既经验。十八个月后公司执笠，我同同事自立门户，继续做Design, PR & Marketing工作，做左几年都算有小许成绩，但心入面开始有个谂法，与其经常帮客人建立品牌，倒不如试下建立一个属于自己既品牌? 咁啱嗰时兴起一个新服务行业，就系租Pocket Wifi俾外出旅游既客人，就决定同朋友一齐开Pocket Wifi Rental公司，而我公司Wiyo成立冇耐就略有名气，生意都做到唔错。
做左Wiyo之后，加深我对旅游行业认识，有一次喺朋友聚会同杜如风吹起，有冇一D同旅游有关，又好玩既产品可以搞搞呢? 基于杜如风小姐代表旅游，又热爱时装，倒不如将旅游同时装捞埋一齐做啦！最后我地决定从t-shirt入手，主要原因有二个：第一，t-shirt比high fashion更平易近人，更为大众化；第二就系好玩！一件t-shirt有如一张画纸，一个简单既平面上，可以有天马行空既图案或讯息，客人着上身可以表达到佢地既个性同态度，呢种直接既表达方式同无限创作空间就系我地觉得好玩之处。过去六个月，我同杜如风用左好多心机同时间去构思同创造FUNGOLIA，一丝不苟，希望大家喜欢我地既产品同多多支持啦！
